Page 12 - AWEMAINTA 4 APRIL

12 AWEMainta Diamars, 4 April 2017

Otmar Oduber a bishita piscadornan di Cura Cabay

Nan ta hopi contento cu e proyecto di expansion
y construccion di facilidadnan n’e pier

RECIENTEMENTE Otmar Oduber tabata di

bishita n’e proyecto di Cura Cabay cu ta uno cu
a inicia aña pasa ora e tabata ocupa e posicion di
Minister ainda y ta trata di un inversion di mas di 2
miyon florin.
E proyecto ta ensera un expansion di e pier di Cura
Cabay cual aproximadamente 4 aña pasa a haya un
expansion caba pa por a acomoda mas boto n’e pier.

Sinembargo, for di 2 aña pasa a tuma e decision cu
lo mester bin un expansion grandi y ademas crea
diferente facilidad p’e piscadornan di Cura Cabay.
E proyecto aki ta wordo financia cu fondonan di FDA
y asina aña pasa a cuminsa cu no solamente e expan-
sion mas grandi di e pier, pero tambe un expansion
grandi pa loke ta trata henter e infrastructura n’e pier
di Cura Cabay p’e piscadornan.
E parti aki ta ensera lugar pa nan por warda nan eki-
ponan cu nunca nan tabatin, facilidad di bañonan,
facilidad di benta di pisca cu por tuma lugar eynan,
a drecha henter e infrastructura rond di e pier p’e
piscadornan, lugar pa por baha boto di piscadornan.

Net na banda, esta e beach di Zeewijk, esaki tambe
a haya henter un renobacion y construccion di un
kiosko cu infrasructura y mehoracion di beach pa di
e forma aki esnan di Zeewijk/Cura Cabay y tur otro
local como tambe turista por disfruta di e beach.
Otmar Oduber a wordo ricibi calurosamente dor di e
piscadornan n’e proyecto y a combersa na un forma
hopi agradabel riba e desaroyo di e trabounan.
Nan a bisa cu tin un tardanza di aproximadamente 3
luna riba e proyecto, pero cu nan ta hopi orguyoso y
contento cu e oido y atencion cu nan a haya pa awe
por wak un proyecto asina bunita den pleno desaroyo.