Page 14 - AWEMAINTA 4 APRIL

14 AWEMainta Diamars, 4 April 2017

Accidente di tráfico cu morto

WILLEMSTAD - Dialuna 3 di april 2017 alrededor di 09.40 or,

Central di Polis a dirigí un patruya pa Winston Churchillweg pa un
accidente cu a tuma lugar entre un motorsaikel y un trùck grandi.
For di un investigacion preliminar cu Polis a haci n’e sitio, a sali
na cla u un hòmber riba motorsaikel tabata coriendo riba Winston
Churchillweg direccion F.D. Rooseveltweg.
Di ripiente un trùck grandi cu tabata coriendo riba Garipitoweg a
subi Winston Churchillweg pa lora bay direccion di Rio Canario.
Nèt n’e momento ey e motorsaikel tabata asercando y a bay dal den
banda di e trùck.
Ambulance a transportá e motociclista den situacion di preocupacion
pa policlínica di SEHOS. Na yegada e víctima Mohan Ram Persaud
Gangaram naci na Guyana di 48 aña di edad, a fayecé a consecuencia
di e múltiple lesion cu el a sufri durante di e accidente.
Departamentu di Tráfico ta continuá cu e investigacion.