Page 19 - AWEMAINTA 4 APRIL

AWEMainta Diamars, 4 April 2017 19

Concierto Dominical Donny Lacle di dia 26 di maart 2017 DIADOMIGO, dia 26 di april

Cu programa varia di nivel 2017, Fundacion pa Talento Musical
halto y un dushi ambiente “Donny Laclé” a presenta un biaha mas
su Concierto Dominical den Biblioteca
Nacional.
Nos talentonan musical a presenta un
programa varia di un calidad hopi halto.
E prome musico tabata Jerry Diaz, un
tremendo guitarista, kende a impresio-
na e publico cu su bunita presentacion;
bo por a tende un feneta cay.
Jerry a toca 6 cantica, entre otro: Dust
in the wind, When man loves a woman
y What a wonderful world. Bunita y
relahante!

Den e pausa cu a sigui e Caha di Glas a
pasa rond den cua esnan presenta a haci
un donacion. Tur fin di aña Fundacion
Donny Laclé ta otorga un scholarschip
na diferente hoben talento musical
pa yuda y motiva nan den na estudio
musical.

Despues e programa a continua cu e
cantante internacional El Duque Vic-
tor Samuel, kende a haci un cos, pre-
sentando 5 cantica di su CD nobo, cu
ta contene 17 cantica conoci y varia di
añanan 60/70.

El a canta 3 cu pista, entre otro Cu-
ando, cuando y dos compaña pa Vivian
Lampe riba piano: Ansiedad y Amapola.
Mientras e ta canta,Victor ta cana rond
y ta gusta inclui e publico pa nan tambe
canta un pida di su cantica.
Y el a topa cu Lidwina Booi y Victor
no a tuma pa gana y a invita Lidwina
pa compañe.
Hunto nan a canta Abo So y a dedic’e
na Padu, kende te hasta a canta un
pida. Esaki tabata e cherry riba e bolo!
E publico a keda encanta.

Pa clausura a haci su debut den nos
Concierto Dominical, Grupo Tipico Un
Brindis, bou direccion di Vicente Croes,
kende ta toca sinfonia di boca.
E grupo ta consisti di 9 integrante:
Diferente cantante cu ademas ta toca
diferente instrumento. E grupo cu a
lanta cu 4 musico djis pa diberti, mien-
tras tanto a crece y awor ta exisiti 5 aña
caba. Nan laga e bishitantenan gosa y
balia di principio te fin y tur hende a
bay cas curason contento.

E proximo Concierto Dominical lo
tuma lugar dia 30 di april benidero. Y
manera semper entrada ta gratis.