Page 23 - AWEMAINTA 4 APRIL

AWEMainta Diamars, 4 April 2017 23
Recordando Beatriz
Harms Lopez-Henriquez
y macramé, e arte perdi
MACRAMÉ ta un forma di arte. E ta
un tecnica di obra di man, un manera di bor-
da, trahando conopi cu cabuya sin ningun
instrument, cu ta resulta den productonan
decorativo y practico. Algun hende ta yama
macramé e arte di traha conopi decorativo.
Tempo cu e tabata staciona na Tripoli, nan
a mira macramé cu tabata wordo uza pa
traha randnan decorativo p’e pañanan cu
ta cubri lomba di camelnan, segun Clyde
Harms.
Su señora Beatriz d.f.m. a keda masha
intriga, pero e no a haya ningun hende pa
siñe e arte. Macramé ta bin di un palabra
“migramah” di e tehadonan Arabe di siglo
13 cu ta nifica rand of fraña.
Moronan a hiba e arte macramé pa Spaña
y di aya el a plama den henter Europa.
Marinonan a cuminsa haci macramé den
nan tempo liber y tabata bende nan pro-
ductonan caminda na tabata yega. Asina
nan a hiba e arte aki pa tur skina di mundo.
Na 1974 cu nan a bay biba na New Jersey,
macramé tabata goza di un popularidad in-
menso y su señora Beatriz d.f.m. facilmente
a haya un tayer caminda e por a siña e forma
di arte, segun Clyde Harms a sigui splica.
Y con el a siña! El a bira un experto. Na
1979 nan a muda pa Miami y aya el a
traha hopi hengel di colga mata rond di
nos piscina.
El a traha decoracionnan di Pascu, hengel
pa boter di biña, macuto pa corant y revista
di riba vloer.
Na 1987 nan a muda bek pa Aruba y tabata
dificil pa haya e cabuyanan necesario, pero
e no a stop cu macramé.
Ki ora cu nan bay Merca nan tabata trece
cantidad grandi di cabuya, renchi di palo y
metal, boton di decoracion, etc.
Aunke macramé a cuminsa perde su popu-
laridad na cuminsamento di e decada 1980,
Beatriz a sigui cu su hobby te su morto na
2003.
Apesar cu el a pasa su ultimo añanan riba
rolstoel, e no a stop. El a haci macramé pa
nan cas, pa nan yiunan y pa regala amigo-
nan na tur parti di mundo: Na diferente
estado na Merca, di Florida te California;
na Canada, na Corsou, hasta na Australia.
Awendia e arte di macramé casi no ta wordo
practica na Aruba, pero Clyde Harms kier
recorda cu un tempo tabatin un Arubiano,
Beatriz Harms Lopez-Henriquez, kende a
laga un legado como un amante y experto
den e arte perdí.