Page 6 - AHATA

2 LOCAL AWEMainta Diamars, 10 December 2024

Tierra del Sol Golf Course by Iberostar ta

celebra e prome Shoco Sanctuary na Aruba

TIERRA del Sol Golf Course by Iberostar ta anuncia

orguyosamente e inauguracion di e Shoco Sanctuary,
dedica na proteha y preserva nos simbolo Nacional stima;
e Aruba Burrowing Owl (Shoco).

E iniciativa aki, cu a cuminsa na 2019, a florece den un
compromiso importante di conservacion, mustrando
progreso durante e ultimo cinco aña. Den colaboracion
cu Aruba Birdlife Conservation (ABC) y Tierra del Sol Golf

Course by Iberostar, e prome 20 artificial burrows a wordo
instala na 2019 pa ofrece un luga di proteccion p’e Shoco
nan cu ta na peligro di extincion. Cu sosten continuo di
Iberostar, e proyecto aki a expande, aumentando e cant-

idad di ‘artificial burrows’ pa 32 y integrando elemen-
tonan educativo conhunto cu e experiencia di e golf
course marcando un ocasion historico.

E Shoco Sanctuary a wordo celebra pa medio di un
evento cu a wordo presencia pa partnernan importante
di e proyecto, rindiendo honor n’e milestone aki y re-afir-
mando e compromiso pa cu e biodiversidad di Aruba.

Ambientalista-, stakeholder- y miembronan di comun-
idad a keda impresiona cu e progreso desde e instalacion
inicial na 2019 te cu e Shoco Sanctuary vibrante di awe.

E Shoco, cu a wordo declara simbolo Nacional na 2012, ta
enfrenta desafio di degradacion di su habitat. E sanctuary
aki lo enfoca pa combati e desafionan aki, ofrece protec-
cion p’e Shoconan por cria y pa fortalece e ecosistema

local. Awe, e Shoco Sanctuary ta representa 20% di e
totalidad di e populacion di Shoco na Aruba, convertiendo
e den un tema esencial di e esfuersonan di conservacion
di nos isla.

Mientras e golf course ta pasando den un temporada di
transformacion, Iberostar a integra e proyecto di conser-
vacion aki como parti di su vision sostenibel. E Shoco

Sanctuary ta parti di e diseño di e golf course, ofreciendo
informacion riba e Shoco y stimulando consentimento pa
cu Aruba su herencia natural.

Pa final di 2024, ora e golf course ta prepara pa su gran
inauguracion, e Shoco Sanctuary lo para como un testi-
monio di colaboracion di comunidad y nos compromiso
ambiental. Tierra del Sol Golf Course by Iberostar ta

invita e comunidad local pa uni pa preserva e tesora nan
di Aruba pa generacionnan venidero.