Page 7 - AM210329

Dialuna, 29 Maart 2021 AWEMainta 7

AHATA:

Ta iresponsabel pa no clarifica

interpretacion di maneho di vacacion

LUNA pasa Aruba Hotel and Tourism Au-
thority (AHATA) a manda un carta pa DAO y
SVb cu copia pa gobernantenan concerni, pidi-

endo clarificacion riba un asunto importante
tocante maneho di vakantie pa empleado na

compania cu ta ricibi subsidio di salario.

Durante un conferencia di prensa di SVb aña

pasa, a duna un interpretacion di maneho di
vakantie cual den practica lo crea mas gasto y

un complicacion enorme di administracion pa
dunador di trabou. E interpretacion tabata cu
ora di tuma vakantie, e porcentahe di e dianan

igual na porcentahe di salario cu ta subsidia
no por conta den administracion; kiermen lo
keda debe dia extra di vakantie n’e empleado.

Na 2021 e confusion tocante e anuncio di SVb
a haya mas atencion, pasobra algun empleado

a cuminsa exigi pa dunador di trabao sigui e
interpretacion di SVb.

Den e carta di AHATA, fecha 20 di februari,
a splica pakico e interpretacion di SVb no ta
cuadra cu realidad y a pidi DAO y SVb pa duna

clarificacion.
Despues di 2 siman a manda un carta recor-
datorio, pasobra no a ricibi un contesta ainda.

Awor ta un luna despues y ainda DAO y Go-
bierno no a ofrece e claridad necesario na du-
nador di trabou.

AHATA ta lamenta e falta di responsabilidad

di parti di Gobierno y e departamentonan con-
cerni pa ofrece e clarificacion, cual ta señala
un falta di comprension p’e inkietud cu incer-

tidumbre ta crea entre dunador di trabao y
trahador. Un departamento gubernamental

di labor cu ta responsabel pa cumplimento di
ley di labor, mester ofrece solucion pa evita
conflicto na pia di trabao y mester representa

interes di dunador di trabao igualmente cu di
trahador. Ademas, ta lamenta con e interpre-
tacion publica ta contradeci e meta di subsidio

di salario, cual ta pa sostene compania y re-
duci nan gasto.