Page 10 - AM200613
P. 10
10 AWEMainta Diasabra, 13 Juni 2020
Persecusion tras di Kia Picanto horta a caba na
tres detencion y un persona cu a logra huy
DIABIERNA mainta pasa di 8’or un ciudadano a
avisa Polis cu ta tras di su auto cu nan a horta den
oranan di madruga. Tabata trata di un Kia Picanto.
Mesora varios patruya a cuminsa cu un persecusion
y den Mabon a logra intercepta e Kia Picanto cu
varios persona aden. E chauffeur bisti na blau cu
preto, y cu slof di Adidas a baha core bay laga tur
hende.
Tur esnan den e auto a wordo deteni y a confisca
e vehiculo tambe. Esnan deteni a wordo hinca den
Transportwagen y hiba warda di Santa Cruz.
Mientrastanto otra patruyanan tabata buscando e
chauffeur cu a baha core bay.
Na yegada di Transportwagen na Santa Cruz a bay
directamente n’e cellen complex y por a mira tres
persona cu a baha, entrenan un dama.
For di e distancia ta mustra cu lo ta trata di
personanan hoben.
Ladronicia di auto ta un hecho aki na Aruba, y ta
hopi hende a hayanan cu gastonan enorme despues
cu nan auto a wordo horta y/of ora nan hayanan
bek cu dañonan material grandi.
