Page 27 - MIN TTC 24 FEB 2016

Segun Glenbert Croes di partido MEP Aruba no por
depende solamente riba turismo

on: February 23, 2016In: PoliticaNo Comments
Print Email

Actualmente e desaroyonan turistico pa pais Cuba ta den full swing mirando cu nan a caba di firma
acuerdonan di aviacion cu gobierno di Merca. E impacto y efectonan di e acuerdonan aki tin cu
wordo teni na cuenta ya cu nos ta papiando di 30 vuelo saliendo di New York pa Cuba. Mi ta trece
esaki dilanti ya cu e por bira un desaroyo preocupante pa e turismo di nos pais.
Nos pais semper a depende riba turismo y un desaroyo asina logicamente por traduci su mes den
consecuencianan pa nos product turistico y minister di Turismo mester bay dedica su atencion na
dje. Ultimo tempo a introduci un cantidad di impuesto y cobransanan adicional cual ta pone cu ta
core cu turistanan pasobra e mercado no ta atractivo mas y asina nan ta busca otro destinacion.
Laga nos realisa cu turismo ta e unico pilar economico y netamente pa esaki nos tin cu bay
diversifica nos economia pa si encaso no ta fuertemente para. Re-apertura di refineria no solamente
lo bay crea e cuponan di trabou necesario pero lo bay boost nos economia asina creando otro
oportunidadnan pa sigui traha riba mas pilarnan economico. Un cos ta sigur mirando e desaroyonan
di turismo den Caribe nos no por sigui depende riba turismo so y p’esey reapertura di refineria ta di
vital importancia pa Aruba.

http://masnoticia.com/segun-glenbert-croes-di-partido-mep-aruba-no-por-depende-solamente-riba-
turismo/