Page 28 - MIN TTC 24 FEB 2016

Segun parlamentario Jennifer Arends-Reyes di partido
AVP: Tin un diferencia entre “Crisis” den Turismo y
adapta, evalua y mehora

on: February 23, 2016In: PoliticaNo Comments
Print Email

Segun sra. Arends-Reyes den calidad di presidente di comision di Turismo, el a tuma nota di algun
comunicado di MEP cu kier purba trece panico y bagatalisa e esfuersonan di entidadnan grandi di
Turismo. Den algun comunicado di MEP ta haci uzo di palabranan sumamente negativo pa purba
kibra e confiansa den nos Turismo. No ta entidadnan local so manera Banco Central pero
entidadnan internacional manera IMF ta subraya con nos Turismo a sa di carga nos Economia
specialmente durante e ultimo 5 añanan. Fuera di esey recientemente Aruba a caba di sali top 3 den
Caribe cu miho credit rating y cu un Economia stabil. Awo den comunicadonan kier bin crea un
impresion eroneo cu nos Turismo no ta stabil, cu lunanan devastador y hasta awor ta bisa cu ta
Turismo ta den un crisis. Crisis ta locual Aruba a yega di conose antes cu aerolineanan manera
KLM tabata laga Aruba, Cruceronan renombra no kier a bin Aruba mas etc etc. Fuera di trece
panico y preocupacion, e contribucion na trece mehoracionan ta nulo. Mester por keda relativa,
dialoga y no core purba score politicamente cu tur cos y purba di trece un esfera di panico cada
rato. Ta profesionalnan cu hopi aña di experiencia y hendenan grandi y capacita ta trahando dia
aden y dia afor pa logra exito di nos Turismo. E ta keda un esfuerso colectivo. Hasta reconocimento
ATA a caba di haya pa nan mercadeo poco dia pasa na New York cu ta considera Aruba un
destinacion top y masha gusta den Caribe. Manera cu e dicho ta bisa “the only constant in life is
change” y cada momento mester adapta, hasi cambio y mehora pa maneha situacionan cu ta