Page 35 - MIN ON

el a bisa cu for di comienso el a pone schouder bao di e proyecto aki, cu ta mes iniciativa cu el
trece serca e docentenan di arte, musica y baile y nan a gare cu dos man y di inmediato a
cuminsa traha un plan. E rector a splica cu no tabata facil, pero tog e muchanan a logra un
tremendo show, den cual a participa activamente un cien alumno y diferente docente a
colabora pa e bira asina exitoso. E ta invita tur mayor pa bin wak nan yiunan diahuebs y
diabierna anochi den Cas di Cultura. Mayornan ta paga diez florin y pa e alumnonan e ta
gratis. Aunke Colegio Pariba a bira riba su mes, e docentenan a forma parti di Colegio Arubano
tempo nan tabata un solo school parti den dos distrito y nan ta invita tambe pa bira parti di e
fiesta aki.
Sr. Jossy Tromp mes ta trahando na Colegio for di 1981, di cual 21 como docente y ultimo
tempo como Rector.
E ta corda cu un tempo Colegio tabata bao luz negativo pero a logra pasa over di esaki y en
general Colegio Arubano semper a sa di produci hopi talento, y cu ta trahando aworaki riba
diferente ramo productivo na Aruba. E ta gradici e otro schoolnan cu tambe a yuda forma e
studiantenan aki, manera schoolnan Mavo cu semper a contribui na trece bon alumnonan pa
Colegio y cu hunto nan ta forma un nucleo basta fuerte cu ta hopi talentoso y riba un nivel hopi
halto tambe. E ta kere cu e futuro di Aruba ta den man di e hobennan aki. El a bisa cu e ta
content cu awendia tin un otro school cu ta competiendo cu Colegio Arubano, den cierto
sentido, na San Nicolas y cu e ta un school unda nos muchanan tambe por yega leu pasobra ta
schoolnan cu ta desaroya hopi talento. Jossy Tromp a splica cu den e parti di dinamica tabata
tin alrededor di 2500 alumno den pasado y awendia tin como 1600. Pero lo stabiliza e cantidad
na 1500 alumno. Nan tin un edificio cu ta data di 55 anja caba, mester busca un lugar pa
adomoda e muchanan mucho mihor. Tempo ta exigi y calidad di ensejanza tambe di espacio cu
ta mihor pa traha. Pero asina mes nan no ta malcontento, pasobra e resultado ta hopi bon.

http://www.24ora.com/local-mainmenu-5/93374-rector-di-colegio-colegio-arubano-y-colegio-san-

nicolas-ta-preparando-e-ciudadanonan-di-futuro-pa-nos-pais-

Hopi talento artistico por a mira den show di Clegio
Arubano Juffrouw Pierrangeli Wever a splica

W ednesday, 25 M arch 2015 18:47
Comparti

E docente di CKV di Colegio Arubano Pierrangeli Wever a splica den un entrevista tocante e
show presenta pa alumnonan pa celebra 55 aniversario di colegio.
El a splica cu nan a train varios luna y nan a collect e ideanan pa nan hinca e show den otro pa
haci algo leuk no solamente pa alumnonan y maetronan pero pa esnan cu a studia na Colegio
55 anja pasa.
Un musical ta consisti di baile, canto, teatro y nan a integra tur esaki hunto pa nan trece un
bon show pa e publico di Aruba tambe.
Nan a pone prome un audicion pa tur e muchanan cu kier a participa y na ultimo momento
hopi mas mucha a pone interes y esey a haci e produccion hopi grandi y e alumnonan a
demostra na tantisimo talento. Hopi mucha tambe a traha e decor y e proyeccion ademas cu
den sala di exposicion diferente mucha a pone nan obranan di arte cu tambe a forma parti di e
show. Juffrouw Pierrangeli a bisa cu esaki a bal la pena pa a haci tanto esfuerzo cuatro luna