Page 30 - MIN ON

Colegio Arubano yegando na final di celebracion 55 anja
existencia

W ednesday, 25 M arch 2015 18:37
Comparti

Colegio Arubano ta celebrando 55 anja.
Durante un entrevista cu Anouska Baly el a splica riba e celebracion cu ta andando. Ta algo
unda den un forma chikito pero cu hopi ambiente ta wordo recorda. Anouska Baly, Co-Rector
di Colegio Arubano durante e ocasion aki a conta kico tur tin pa e evento aki.
E celebracion aki a cuminsa anja pasa pasobra Colegio Arubano a wordo lanta na 1959 y pesey
tin actividad den full e anja escolar. Diaranzon tabata tin un musical riba stage di Cas di
Cultura, caminda mucha di cada klas a haci presentacion di canto hunto cu nan docentenan di
CKV, cu ta encera actuacion, baile, canto, expresion personal. Cu e musical aki e alumnonan ta
bai bek den tempo na 55 anja atras cu Colegio a ser lanta. Ta cuminsa cu decada 50 cu R&B,
sigui pa disco di decada 60 y dijey bin ariba te cu actualmente. Lo sera e celebracion cu un
Misa na Colegio diabierna awo.
Preparacion tabata hopi pa motibo cu esaki a tuma lugar banda di e trabao di tur dia y e
muchanan cu a haci presentacion a train despues di school y e tabata hopi intensivo pero
school ta hopi satisfecho cu e resultado. E musical lo ripiti diahuebs y diabierna anochi pa
mayornan y publico general y lo cobra un bedrag di 10 florin pa cubri gastonan di entre otro
Cas di Cultura. Anouska Baly durante e entrevista a splica cu tin docentenan cu tin hopi anja
dunando servicio na Colegio Arubano. Algun tin alrededor di 30 anja manera meneer Kapel cu
35 anja den docencia y tabata tey desde e prome celebracionnan di e diferente lustronan di e
school. Tur cos ta bayendo bon e biaha aki y a haya sosten di UNICA, Romar Trading y
Prografic.