Page 35 - AVP

“E linea di nos Gobierno 2017 (blau) ta core stabiel practicamente sin inflacion. Na 2018
y 2019 nos a haya e explosion den inflacion y perdida penoso di costo di bida”.

“Gobierno y esnan cu ta sostene Gobierno y ta creando e pobresa aki no ta mustra ningun
comprension p’e dolor cu nan ta creando den pueblo.

Atrobe, no ta Mike Eman ta bisa esaki ni AVP, pero ta Oficina Central di Estadistica
(CBS) y CBA ta bisando kico ta pasando cu e poder di compra di nos ciudadanonan cu
n’e momentonan aki ta trancando Aruba su economia.

E inflacion aki ta afectando severamente e poder di compra di nos ciudadanonan y poco
poco un empobrecimento hopi grave den nos comunidad.”

E cifranan di CBS ta indica cu e inflacion di Aruba den dos aña ta bayendo direccion di
dobel cifra.

Esaki debi n’e impacto di e pakete di medidanan cu a wordo introduci na 2018 y 2019. E
cifranan aki, Eman ta bisa, ta mustra con alarmante e situacion ta.

Locual tambe ta hopi bisto t’e diferencia entre 2017 sin inflacion y na 2018 y 2019 un
inflacion feroz. Hopi di nos hendenan ta experiencia un inflacion actualmente cu ta core
rond di 20% den cuminda y di gastonan y transporte.

Esaki t’e realidad cu nos hendenan ta confrontando y esaki ta cifranan cu nos no ta tende
e gobernantenan ta papia di dje.

Nan ta tene conferencia di prensa, pero nos no ta tende di e cifranan di CBA ni di CBS y
e pobresa cu nan ta causando,” lider di AVP mr Mike Eman a mustra.