Page 37 - AVP

Mayan Lo Entrega Ley Di Screening Ministers Na

Presidente Di Parlamento P’e Por Wordo Trata

 Featured
- 17/10/2019

Un investigacion di Banco Central a acentua cu den comunidad ta biba e percepcion cu e
grado di corupcion bou politiconan ta halto. Ademas algun siman pasa nos a wordo
confronta cu e di dos caso, investigacion Avestruz, di corupcion di Gabinete anterior
lidera pa Mike Eman.

mayan Parlamentarionan Edgard Vrolijk LL.B y Rocco Tjon MBA ta haci entrega di e
ley di screening Ministers y Minister Plenipotenciario (landsverordening integriteit
ministers).

LANDSVERORDENING INTEGRITEIT MINISTERS
E ley aki ta regla screening di candidatonan pa bira Minister. E ta duna un base legal pa
e.o. e investigacion di seguridad nacional y esun di husticia por bay mas profundo.

Pa ley lo bira posibel cu Formador of Minister President por apunta un comision cu por
haci un investigacion pa wak si un persona ta ministeriabel y si un Minister por keda den
funcion.

Ademas di esaki e ta bira obligatorio pa ley cu un Minister y su famia mester duna un
relato financiero di tur nan propiedad y bienes.