Page 54 - AVP

Simar cu reunion mayan mainta riba

indexering pa tur maestro

Posted on 10/17/2019 3:19 pm AST | Updated on 10/17/2019 3:21 pm AST

ORANJESTAD – Sindicato di maestro Simar ta reuni diabierna mainta durante ora di
trabou, cu tur miembro maestro na Simar, riba e tema di indexering. Nan no kier yame un
accion, sino un reunion ya cu segun e presidente di e sindicato Josephine Albertus, nan
por reuni durante ora di trabou. E intencion ta pa informa tur maestro riba e ultimo
desaroyo riba pago di indexering. “E ta un reunion informativo” Albertus a bisa durante
un conferencia di prensa diahuebs merdia. Varios scol a manda bisa mayornan caba cu
scol diabierna ta cuminsa 9’or y mei di mainta, despues di e reunion 9’or. Segun Albertus
a bisa tur maestro cu nan por reuni di 7’or pa 9’or, y e ta enberdad no work no pay, pero
despues di 9’or nan mester ta bek na scol.