Page 56 - AVP

Na mesun momento e presidente di SIMAR a bisa cu nan a tuma nota cu directiva di

SKOA y SEPB a manda carta pa nan maestronan informando nan cu lo aplica “no work

no pay”. Pa e motibo aki SIMAR ta sigura e docentenan cu e reunion di diabierna mainta

lo no ta largo. “E cantidad di placa cu lo perde ta hopi tiki compara cu loke por logra

gana cu indexering,” e Presidente di SIMAR a duna di conoce.

Loke cu SIMAR no ta di acuerdo cun’e ta e ponencia di SIMAR cu e docentenan ta

responsabel pa informa mayornan. P’esey nan ta referi na un carta di Minister Lampe di

dia 5 di augustus den cual e mandatario ta bisa cu e directiva di scol ta responsabel pa e

studiantenan. Esaki specificamente ora cu docente(nan) ta bay ta ausente. Di otro banda

tin e directiva di DPS cu a manda carta pa mayornan, informando nan cu diabierna

mainta scol ta cuminsa 9.30. Pues nan si ta tuma nan responsabilidad di informa e

mayornan.

E conferencia di prensa di SIMAR tabata pa splica e asunto di indexering. Asina e
Presidente a trece dilanti cu SIMAR y otro sindicatonan for di april caba ta den

combersacion cu Gobierno riba e asunto di indexering.

Na 2014 tin un acuerdo cu ta bisa cu ta analisa si tin inflacion, na 2019, pa pago di

indexering. Basa riba datonan di CBS, a constata cu tabatin un inflacion na 2018 y na
2019 ya caba el a surpasa 5%. A acerca Gobierno pidiendo 3.6% y a pidi pa un contra

proposicion pero shete luna despues no a tende nada ainda di Gobierno. A dicidi di bay

bek na nan miembresia y informando nan cu no ta haya resultado. P’esey e reunion di

diabierna mainta y como sindicato, Martilia a bisa, nan tin derecho pa yama reunion pa

duna informacion. A yama e reunion hopi tempran pa scol por sigui normal despues.