Page 44 - MIN SOC,JULY 01,2015

Controlnan ta sigui riba cumplimento cu leynan di Labor y
Admision

Publication: Wednesday, 1 July 2015. Categoria: General

Dimas ta indica

ORANJESTAD (AAN): Manera previamente anuncia, a
institui un team multi-disciplinario, consistiendo di funcionarionan di GNC, DAO y DIMAS,
kendenan ta realisa nan controlanan na diferente localidadnan rond di Aruba en conexion cu
cumplimento cu e diferente leynan di labor y admision. Durante di un control asina e team ta
verifica si e empresanan ta cumpliendo cu stipulacion di leynan di labor y tambe ley di
admision.

Diferente localidad den diferente area economico ya a haya un bishita di e team y demas
localidadnan por spera un bishita di control di e team tambe den e periodo venidero.

Dunador di trabao ehemplar of no?

E team multidisciplinario di control a topa durante di nan control cu algun dunadornan di trabao
cu tabata por a demostra cu nan ta cumpliendo cabalmente cu tur obligacion segun ley di labor
y/of admision. Esaki ta un muestra di cu e empresanan aki ta respeta nos leynan laboral y di
admision y ta actua conforme e reglanan stipula. Por considera e empresanan aki como un
dunador di trabao ehemplar p.e. J+R take away, Palmita take away

E team multidisciplinario a constata durante nan ehecucion di control cu te ainda tin hopi
dunadornan di trabao cu no ta cumpli cu sea leynan di Labor y/of cu e ley di Admision. Na
momento cu determina cu a comete sea un of mas infraccion contra sea leynan di labor of e ley
di admision, lo procede pa traha un raport di e constancia di e infraccion(nan) aki.

Companianan cu no ta cumpli cu e leynan di Labor y/ of Admision ta: RIU hotels, Hooters,
Watergate Bar & Restaurant, Lekker Bar & Restaurant, Tat Fat Bar & Restaurant, Fermin’s Bar,
Harmony Supermarket, La Granja, Sivi Divi Bar Restaurant, Chalo Burgers (truck), Sabor
Zuliano (truck), Cas Casuela, Four Seas Bar & Restaurant, Tio Pepe Bar & Restaurant, Cafe
Capri, Don Jacinto Bar & Restaurant, Aruba Souvenirs N.V. y Super Bargain N.V. Tur e
companianan aki a haya mientrastanto un carta pa responsabilisa nan mes.

Tin sancion pa dunadornan di trabao cu no ta respeta ley di admision?