Page 5 - AM211011

Dialuna, 11 October 2021 AWEMainta.com 5

Stichting Parkietenbos ta pidi atencion urgente:

Cachonan riba caya ta ataka habitantenan di bario.

Cu hopi tristeza nos por a tuma nota

di e noticia cu den nos bario di Simeon
Antonio recientemente 7 cacho a ataka
un mucha di 5 aña coriendo su bicicleta. E

mucha a sufri varios herida na su lomba,
pia y bil.

Manera por nota, e situacionnan aki a
bira insoportabel den nos bario y den

otro barionan tambe aki na Aruba.
Ciudadanonan ta perdiendo nan libertad
y ta biba intimida p’e cantidad di cachonan

cu ta cana rond riba caya.

Algun dia pasa un señora cu ta biba den
e casnan e di pueblo na Parkietenbos a
wordo ataka pa cachonan na momento

cu e tabata bahando di Arubus. Cu su tas
e señora tabata purba defende su mes y
core cu e cachonan cu tabata atake, 3 den

total.

Algun siman pasa un otro señora saliendo
di un minimarket ta wordo ataka pa
cachonan habriento, e cachonan ta

manera insisti cu nan tin derecho di blaf
y morde, ta un chaufuer di un truck di un
compania di concret a yuda e señora.

Ya den pasado a pidi City Inspector
atencion p’e problema aki den e bario,
pero te cu awe nada a ser haci. Tin
ciudadanonan ta reclama tambe cu den

oranan di anochi laat e cachonan riba
caya ta bolter barinan di sushi tambe
rondiando cuminda.

Stichting Parkietenbos ta urgi e
departamentonan concerni pa actua;
cachonan mester ta den cura, doñonan
mester wordo poni responsabel, mester

duna multa n’esnan cu no ta cumpli.

Cachonan sin doño mester wordo piki y

hiba un centro y busca doño pa nan. E ley
di cacho mester wordo ehecuta, pueblo
ta paga belasting y merece di alomenos
biba den trankilidad di cana den bario
bay cumpra cuminda, bishita un otro

bisiña, baha di un bus sin tin temor of
muchanan mester por core nan Bicicleta
sin intimidacion.