Page 10 - AM211103
P. 10
10 AWEMainta .com Diaranson, 03 November 2021
Cualkier mucha chikito ta keda yora te ora e haya
su kier. Ex-parlamentario Adje no ta diferente.
Lunanan largo a keda yora den huki te ora Eefje a
dune’le su kier. Na Brussel “huilpot” Adje kier bay
awo! E pober ta bay haya hopi problema na Brussel.
Na prome luga “wildplassen” ta prohibi; “Manneke
Pis” t’e unico cu mag haci esaki. Na di dos luga
tin hopi cacho brabo ta cana los den cayanan di
Brussel. Ta di spera cu “grinspot” Adje no ta risca di
tog dal su “pishitoir” den cayanan di Brussel; eynan
e cachonan ta loco cu “cocktail sausage”.. Hopi hende ta puntra kico Adje ta bay haci na Brussel.
Ta conoci cu e tin masha hopi problema cu cifra.
Ainda por corda con den Parlamento a keda insisiti
cu 8 ta mas hopi cu 10. Ki berguensa! Pa haci su mes
un poco mas util, Adje por bay parti flyer di Aruba na
Brussel, Antwerpen, Luik etc. Ta di spera cu nunca ta
bay conta Adje unda e edificio di BENELUX ta keda.
En bes di hiba su persona eynan e chauffeur di taxi
por regala Adje un boter di biña y drop’e na cualkier
“patat kraampje” pa come patat henter dia. Na final di
dia e chauffeur di taxi por drop su persona bek na su
mansion di €3000,00 pa luna exclusivo e salario di su
“butler” personal. ALLEE MANNEKE...
