Page 5 - AM211103

Diaranson, 03 November 2021 AWEMainta.com 5
Tiramento den Ranchostraat,

Sospechoso ‘Coco’ lo a tira riba un auto y

dos persona den e auto a keda herida

Diamars den oranan di merdia, un

pareha lo a bay cumpra droga n’e
conocido cas den Ranchostraat. Aki
algo a bay completamente for di man.
Aki e conocido di Polis, Coco lo a los
tiro cu un arma di candela di un caliber
basta halto.
Aparentemente Coco a los varios tiro,
un muher y un homber a wordo alcansa
pa un tiro, na man y na dede. E auto

tambe tabatin impacto di bala.

Segun testigonan Coco despues di a
los varios tiro a bandona e sitio den
un Nissan March color roos e tabata
acompaña pa un otro persona.
E dos personanan herida a bay den e

Toyota Yaris bruin, den Nieuwstraat
Polis lo a topa cu un persona herida.
Despues na Warda di Polis a yega
un dama basta altera, su man
tabata herida, el a conta Polis cu ta
supuestamente e conocido di Polis
Coco a tira riba nan den Ranchostraat.
Mesora a saca varios patruya pa busca
e Nissan March roos, sin resultado.

Ambulance a bay warda pa atende cu e
dos personanan herida.

E sitio unda tironan a cay a wordo
sera y Polis a haci investigacion, huls
a wordo haya, un testigo cu lo a mira
Coco tira e arma patras di un muraya.

Enberdad aki nan a bin topa cu un
arma di candela scondi den cura di e
cas.
No ta conoci si tin un ordo di detencion
caba p’e sospechoso conoci di Polis
yama ‘Coco’.