Page 17 - MIN VOS_Neat

AWEMainta Diamars, 2 Mei 2017 11

Lilian L. Gil ta cumpli y
celebra 35 aña trahando na
desaroyo di su pais Aruba

ARUBA ta bisa señora Lilian L. Gil masha danki

pa su trabou, dedicacion y amor dedica na desaroyo
di su pais.
Lilian a cuminsa traha 1 di mei 1982 na Sociale
Verzekeringsbank Aruba (SVb) como ‘medewerker
ZV/OV Declaraties’ y unda el a keda traha te cu 30
di juni 1986.

Dia 1 juli 1986 Lilian a sigui traha na Dienst Open-
bare Werken (DOW) como Directie Secretaresse.
Na DOW Lilian a keda traha te 31 di januari 1996,
pues pa casi 10 aña.
Despues di DOW, Lilian a sigui traha na Directie
Onderwijs como ‘Medewerker Inspectie’. Esaki tabata
pa 1 aña so, di 1 di februari 1996 te cu 31 di juli 1997.

E motibo di esaki ta, pasobra Lilian a bay sigui studia
na Instituto Pedagogico Arubano (IPA) pa juffrouw
di scol, cual Lilian a termina exitosamente.
Lilian a cuminsa e estudio na Instituto Pedagogico
Arubano (IPA) pa juffrouw di scol basico na augustus
1997 y a gradua na juni 2001 como ‘Volledig Bevoegd
leerkracht van regulier onderwijs aan de leeftijdsgroep
6-12 jarigen’. Tremendo crecemento personal pa sigui
contribui na su pais.
Augustus 2001, Lilian a cuminsa duna les na Scol
Basico Washington como maestra di scol y a traha
eynan te cu 31 juli 2003.
Di augustus 2003 te cu awe Lilian ta traha como
maestra di scol na Emma School pa muchanan cu
necesidadnan educacional special.
Na aña 2011 Lilian ta sigui studia pa logra su ‘Master
Special Educational Needs’ pa e specialisacion Basis
Speciaal Onderwijs pa e grupo di edad di 6-12 aña.
Esaki tabata un estudio ‘part-time’ na IPA, despues
di oranan di trabou na scol cu un duracion di dos
aña y mei.
Na 2014 Lilian ta termina e estudio aki exitosamente
y tin su Diploma di ‘Master Special Educational
Needs pa e specialisacion Basis Speciaal Onderwijs’.

Lilian ta encanta su trabou y ta stima su alumnonan
y su alumnonan ta stima juffrouw Lilian masha hopi
mes. Su grupo di e aña aki ta grupo 4 B, cual nos por
mira rib’e potret.

Aruba ta bisa jufrouw Lilian masha danki pa tur es-
fuerso pa sigui desaroya y uza e desaroyo personal aki
pa desaroyo di nos muchanan y Aruba. Cu juffrouw
Lilian sigui traha pa hopi aña mas cu hopi amor y
dedicacion na desaroyo di nos muchanan. Masha
danki juffrouw Lilian.