Page 33 - MIN JUS 26 OCT 2015

Djaluna 26 òktober 2015 5

...Minister hustisia: pa fin
di aña mester ta kla ku

Punda i Otrobanda...

INSTALASHON
RAPIDO

KAMARANAN
SEGURIDAT

WILLEMSTAD.- Tur
ekipo a yega Kòrsou pa
loke ta trata kámaranan di
seguridat ku gobièrnu ta
laga instalá. Awor mas ku
nunka esaki mester sosodé
rápido pa asina subi chèns
ku ta hasi detenshon mas
lihé posibel den kasonan
kontra lei i asta ku lo
por evitá kaminda por. E
speransa ta ku pa fin di aña
lo mester ta kla ku Punda i
Otrobanda asina e titular di
hustisia mr. Nelson Navarro
a deklará na EXTRA.

E proyekto di kámara a
sufri tardansa entre otro
debí na burokrasia den
gobièrnu i loke a kaba di
brua kos ta e resistensia
polítiko pasobra esei a trese
bruashon den e skema di
tempu di e kompania Inspur.
E kompania tabatin nan
planifikashon i ora Kòrsou
a kai afó nan a sigui bai.
Ta trata di un kompania
sumamente grandi ku
responsabilidat na otro
partinan i no a keda warda
riba Kòrsou.

Ultimo tempunan na
Kòrsou por mira ku mas i
mas e nesesidat ta oumentá
pa mas sistemanan ku por
brinda seguridat na hinter
komunidat.

Den kombersashon
ku minister Navarro el a
indiká ku si tur kos kana
bon lo kaba pa fin di aña ku
sentro di siudat. E parti di e
‘monitoring room’ ku mester
keda instalá na Rio Canario
tambe a tarda debí na e
tardansa den e trabounan di
renobashon. Na opinion di
minister di hustisia, ta bon
pa komunidat komprondé
ku awor mas ku nunka
ku kámara di seguridat
ta un nesesidat grandi pa
bienestar di e pueblo aki.