Page 9 - 26Jan2022

DIARANZON 26 JANUARI 2022 DIARIO PAGINA 9
Ceremonia Protocolar pa
recorda Libertador Betico

Croes den su fecha natal

wORANJESTAD (AAN) -- Na un manera sobrio, pero el-
egante, e ceremonia protocolar den memoria di Libertador
Gilberto Francois Betico Croes riba “Dia di Betico”, unda ta
recorda su fecha natal, dia 25 di Januari, a tuma na Plaza Betico
Croes. Despues di e yegada di Minister, Parlamentarionan, y
otro funcionarionan di gobierno, a ricibi Gobernador Alfonso
Boekhoudt y su distinguido Esposa, y e acto a cuminza cu en-
tonacion di Himno Nacional Aruba Dushi Tera, interpreta pa e
dos hobencitanan Angelina Leon y Lisienn Web, dirigi pa señor
Danny Koolman. Seguidamente, Vicario Episcopal di Aruba,
Andres Macovic, Sacerdote di Pro Catedral Iglesia San Fran-
cisco, a trece dilanti un bunita mensahe, den cual el a resalta e
liderazgo di Betico Croes, y a bendiciona nos pais Aruba. Acto
sigui Prome Minister mr. Evelyn Wever-Croes a trece dilanti un
bunita discurso, unda a perfila e personalidad di Betico Croes
(su Omo y Padrino), a subraya cu Betico no tabata solamente un
casa y tata di cuater yiu, pero un tata di henter pueblo di Aruba.
Despues Presidente di Parlamento mr.Edgard Vrolijk hunto cu
Griffier mr. Herman Hek, a rindi tributo na Libertador dilanti
su monumento, sigui den nomber di Gobierno, pa Minister
Presidente mr. Evelyn Wever-Croes y Minister di Cultura mr.
Xiomara Maduro, y den nomber di famia Croes a bay dilanti e
dos muchanan muher, Franchesca Saladin y Tiara Croes. Final-
mente, den nomber di Cuerpo Consular Arubiano, señor Carlos
Augusto, y e Consul di Costa Rica Cecilia Arendsz Flores-Vries
a rindi e homenahe. No tabata tin ofrenda floral. Despues di un
bunita potpourri di canticanan local, interpreta pa cuater hoben-
cito talentoso, dirigi pa Danny Koolman, a clausura cu Himno
Nacional Aruba Dushi Tera canta pa Angelina y Licienn.