Page 42 - MIN.ARTHUR DOWERS

E tabata den careda di 6:30 mainta autoridad Venezolano a tuma nota riba nan radar di un avion sospechoso bulando
riba lama riba teritorio Venezolano. E avion aki tabata bayendo direccion noord di un haltura di alrededor 6500 pia
cual ta bou radar a puntra e kapitan varios biaha ken e ta kico e ta haciendo pero no tabata duna atencion na e
autoridad Venezolano. Avionnan militar F16 di Venezuela ta esun cu tabata persigui e avion aki y lo a tira milisnan
pa aparantemente bashe e avion abou. Loke tin riba imagen di e candela orañe cu ta bula bay noord cu huma su tras
ta mustra di un raket tabata bayendo direccon unda e avion lo tabata bulando y na final por mira un linea chikito ta
bin abou cu ta mustra ora e misilnan lo a impacta riba e avion. Tur cos a sucede den awanan teritorial Venezolano y
loke ta pasando den awanan teritorial di Aruba cu tin autoridadnan di marina real ta cu a bin haya curpa, metal y
bultonan ta drief den nos awa. Esaki a keda declara den un conferencia di prensa pa Minister di husticia. Den oranan
di merdia helicopter di marina real a lanta vuelo y bay direccion unda e avion a cay caminda e investigacion ainda
tabata tumando lugar pa busca restonan di avion y otro cosnan mas. Polis Maritimo di Aruba tambe for di mainta te
cu merdia a participa na e accion aki pa cu buskeda y otro cosnan cu a keda haya un 6 pa 8 miya pabou di hotel area.