Page 46 - MIN.ARTHUR DOWERS

ORANJESTAD – Mientras cu autoridad ta wardando informacion di Directie
Luchtvaart riba un posibel noticia di avion cu lo a cay pabou di Aruba, boto di polis
a cuminsa cu un buskeda. Esaki vocero di polis Lito Lacle a confirma na
NoticiaCla.com. Pero riba kico exactamente a sosode, no ta mucho cla. “No tin
confirmacion di nada ainda” Lacle a sigui bisa. For di mainta tempran tin
informacion cu hendenan a mira un bola di candela den shelo pabou di Aruba, y cu
esaki por ta di un avion cu a cay of un of otro meteoro. Sinembargo esaki no por a
keda confirma pa autoridad ainda. Algun persona a post video di loke nan a mira,
riba Facebook aunke cu no ta confirma kico ta loke nan a mira.

Mientrastanto for di vocero di aeropuerto Hendrik Croes, NoticiaCla.com a compronde
cu aeropuerto di Aruba ta habri y operacion ta normal. “Tur buelo di y pa Aruba ta
raporta y ok”, vocero di aeropuerto Reina Beatrix, Hendrik Croes a bisa awe mainta. E
foto ta di e loke a ser mira den laira cu ta e bol di candela.

http://noticiacla.com/news/2184