Page 48 - MIN.ARTHUR DOWERS

Buskeda ta continua pa ‘avion perdi’
y lo a ‘localisa obhetonan den laman’

Posted on 01/29/2015 9:51 am AST | Updated on 01/29/2015 9:55 am AST

ORANJESTAD – Informacion for di esnan cu ta riba laman (Guarda Costa y PB1)
en busca di un avion cu lo mester a cay, ta bisa cu a haya obhetonan ta drief den
laman pabou di Aruba. E buskeda pues ta den full swing, y ta spera mas
informacion dentro di poco. Mientras cu ta wardando informacion di Directie
Luchtvaart riba un posibel noticia di avion cu lo a cay pabou di Aruba, boto di polis
a cuminsa cu un buskeda. Esaki vocero di polis Lito Lacle a confirma na
NoticiaCla.com. Pero riba kico exactamente a sosode, no ta mucho cla. “No tin
confirmacion di nada ainda” Lacle a sigui bisa awe mainta tempran.

Tabata for di mainta tempran tin informacion cu hendenan a mira un bola di candela den
shelo pabou di Aruba, y cu esaki por ta di un avion cu a cay of un of otro meteoro.
Sinembargo esaki no por a keda confirma pa autoridad ainda. Algun persona a post video
di loke nan a mira, riba Facebook aunke cu no ta confirma kico ta loke nan a mira.
Mientrastanto vocero di aeropuerto Hendrik Croes a bisa NoticiaCla.com awe mainta cu
aeropuerto di Aruba tabata habri y operacion ta normal. “Tur buelo di y pa Aruba ta
raporta y ok”, Croes a sigura awe mainta tempran tempran.

http://noticiacla.com/news/2185