Page 10 - FDLP

Aruba Su Team Di Taekwondo A Sali Na Di Dos Lugar

Na Surinam

 Deporte
- 10/02/2020

Diasabra dia 8 di februari 2020 a tuma lugar e di 9 TK5 na Surinam. Aruba ta participa
tur aña cu un team di Infantil, Cadet of Junior.

E aña aki Aruba a participa cu e team di Cadet cu ta atletanan entre 12 pa 14 aña. E aña
aki Aruba su team tabata di e siguiente atletanan: Jahmani Eisden y Danon Delamore di
Brazil Taekwondo Stichting y Samuel Rosales di Noord Taekwondo Center.

E aña aki e team a participa den e TK3 y nan a bringa contra di e team di Yusil for di
Surinam.

Den e prome rond Aruba a empata cu un score di 11-11. Den e di dos rond Aruba a start
cu dos atleta dor cu Jahmani Eisden a sufri un lesion na su pia y no por a bringa mas,
lagando tur e peso pa Danon Delamore y Samuel Rosales.

Ambos atleta a trata di logra nan meta, pero a cay cortico y mester a absorbe e perdida cu
un score di 24-15 y nan mester a keda satisfecho cu nan di dos lugar.