Page 7 - FDLP

Diamars, 11 Februari 2020 AWEMainta 7

Na momento cu tin pasaheronan malo riba un barco crucero

Departamento di Salud Publico tin su

proseso y prosedura pa encamina

ESNAN cu a bay riba un biahe crucero, hopi biaha
ta comenta cu nan a bira malo durante e biahe. Esaki
pa motibo di diferente factor, pero uno sigur t’e
aglomeracion di hopi hende hunto den un espacio.

Esaki ta haci cu e transmision di virusnan di e.o.
sacamento, diaree, griep y otronan por pasa di un

hende pa otro hopi facil.

Recientemente debi n’e situacion alarmante rond di
Novel Coronavirus nos a bin ta tuma nota di islanan

den Caribe cu ta nenga entrada na barconan crucero
debi cu nan tin pasaheronan malo abordo.
Como Departamento di Salud Publico ta importante

pa comunidad ta na altura cu nos tin nos proceso
describi y tambe procedura pa cana den caso cu un
barco informa cu e tin pasahero malo abordo.

Esaki no ta nada straño y sa sosode mas biaha.

E proceso ta ensera monitor e salud di pasahero y

tripulante durante 48 ora prome cu nan yega Aruba.
Esaki ta sosode a base di un Maritime Declaration
of Health (MDH) cu e barco ta manda unda e team
medico riba e barco ta specifica cuanto hende

malo tin, kico t’e sintomanan, cua precaucionan a
ser tuma caba, si tin pasahero isola y mas datonan
importante cu por yuda nos haya un bon bista di e

situacion reinando riba e barco.

A base di e informacion aki DVG ta tuma contacto

cu instancianan internacional manera RIVM pa
conseho si ta nesesario. Cu tur informacion ricibi
di e barco ta tuma e decision pa laga e barco drenta

nos waf of no.
Na yegada di e barco personal di servicio di
Malesnan Infeccioso y Epidemiologie lo por subi e
barco y haci inspeccion si esaki ta rekeri.

Pasobra un otro isla ta nenga entrada di un barco
crucero no ta motibo pa nos pais nenga esaki tambe.

Si nos mester yega n’e decision aki na Aruba, nos
mester motiva nos decision bon debi na tratadonan
internacional cu Aruba tin firma. Cu esaki nos kier

enfatisa cu despues di encamina e proceso completo
y conclui cu un barco por ta un peliger pa salud di
nos poblacion e decision pa nenga entrada di un

barco por y lo wordo tuma si ta rekeri esaki.