Page 13 - AM220826

Diabierna, 26 Augustus 2022 AWEMainta Comunidad

Minister Xiomara Maduro a haya reconocimento

pa e sosten y cooperacion brinda na IDEA

iahuebs mainta un delegacion
D di Departamento di Asuntonan
Economico a bishita Minister Xiomara

Maduro. Relaciona cu e 10 aña di
existencia di e unidad IDEA cu ta resorta
bao di Departamento di Asuntonan
Economico, e directora Sra. Maria Pita-
Dijkhoff, hunto cu Sra. Louella Croes-
Ras y Sra. Judella Trim a entrega na
minister Maduro un certificado di
aprecio y un bunita obsekio, como
muestra di agradecimiento pa e sosten

y cooperacion brinda na IDEA durante
e periodo cu Minister Maduro tabata
encarga cu e ministerio di asuntonan
economico. Minister Maduro a keda
masha agradeci pa e reconocimento y a
expresa cu tabata un placer y honor pa
traha cu departamento di economia y

IDEA na bienestar di Pais Aruba y a desea
nan hopi forsa y exito den nan trabao.

Campeonato Bola 8 ta continua!

honnan amante di biyar, e tremendo campeonato anual di

S Federacion di Biyar Arubiano (FEBIAR), ta continua cu full furia e
diabierna aki 26 di augustus den e palacio di biyar na Tanki Leendert!
Nada menos cu e gang di cacho brabo di Pos Abou, MAD DOGS,
lo enfrenta nan eterno rival, e ekipo legendario di añanan 70,
BARRACUDA BT! Asina mes shonnan, capitan di Barracuda, Jason
“Friday the 13th” Kock lo baha cu tur su piscanan carnivoro pa
masacra e gang di cacho brabo for di Pos Abou! Mala lenga ta fluister
den “wandelgangen” cu tin un dje hungadonan clave di Mad Dogs,
conoci bou e nomber codigo “zwakke blaas”, a haya un “aanwijzing”

di nada menos di MinPres di “TenTen-Landia” himself! Consecuencia
ta cu “manneke pis uit Benedenput” no mag “stroke” su taco pa
basta tempo den 10-10!! Interesante pues pa wak con en gang di
cacho brabo lo blaf een toontje lager!
N’e otro mesa, e guynan di hero, STEELERS BT, bou guia di Le Bonske,
lo enfrenta e manada di MONGOOSE BT, bou guia di nada menos cu
“Saint Patrick” y the guy from Guyana, Robby “The Natural” Nathu!

Shonnan, reserva bo stoel cu “blafkapje” di tempran, ora cu MAD
DOGS enfrenta BARRACUDA, y MONGOOSE pone frusto den STEELERS,
diabierna awor 26 di augustus binidero cuminsando pa 8:00 PM na
e palacio di biyar na Tanki Leendert! Manera semper, entrada ya
completamente gratis y e ambiente y cordialidad ta totalmente por
nada!

13