Page 8 - AM220826

Local AWEMainta Diabierna, 26 Augustus 2022

Di dos parti proyecto Baby Beach

Waterfront Promenade ta bay cuminsa

iahuebs mainta Minister di Turismo
D y Salud Publico Sr. Dangui Oduber
conhuntamento cu CEO di ATA Sra.

Ronella Croes y tambe director di DOW
Sr. Marlon Croes a duna un update
tocante continuacion di e proyecto
Baby Beach Waterfront Promenade,
cual ta parti di e master plan cu tin pa
Sero Colorado. E proyectonan aki ta bay
eleva henter e area rond di e playanan
aki teniendo na cuenta e importancia
di conserva nos naturalesa, creando

asina un desaroyo di embeyecemento
di e area na un manera sostenibel.

E continuacion di e proyecto ta inclui
diferente aspecto. Entre otro Baby
Beach lo haya un area di parkeo
completamente nobo y un rotonde

nobo, cual tambe ta parti di e plan aki.
Consecutivamente lo bay tin bañonan
publico pa tur bishitante, lo pone
tambe dos kiosko caminda hende por
bay cumpra cuminda y/of bebida. E
meta ta pa e kioskonan aki refleha e
cultura Arubano y bende cumindanan
cu ta tipico den e area di Caribe. Lo
percura tambe pa drecha e canchanan

di tennis pa tin un area deportivo
multifunctional.

Tambe ta bay bin facilidadnan caminda por practica “beachsport” manera
beach tennis y beach volleyball. Minister Oduber a crea un comision di
proyecto infrastructural di turismo cu ta keda lidera pa Ministerio di

Turismo. E comision aki lo bay traha mas di cerca cu DIP pa asina e
maneho cu a keda crea pa cu e beachnan wordo implementa. E desaroyo
aki ta uno sostenibel anto p’esey a dicidi tambe cu den e proyecto lo bay
planta hopi palma di coco pa crea sombra pa asina limita e construccion
di palapa ariba e beach.
Minister Oduber a recorda pueblo cu den cuadro di e proyecto aki, bestek
ta available caba pa cumpra na DOW pa 350 florin. Dia 31 di Augustus
DOW lo duna mas informacion specifico tocante e scope di e proyecto
y consecuentemente e destaho publico lo tuma luga dia 9 di September

na DOW. Minister Oduber ta convenci cu e proyecto aki lo fungi como
catalisado pa tur otro proyecto di sector priva cu lo sigui den e area aki.
E proyecto ta posibel danki na un bon teamwork y cooperacion entre
ministerio di turismo, ATA, DOW y DIP. Sigur un proyecto importante pa e
area di Seroe Colorado cu tambe ta haya su desaroyo.

8