Page 34 - MIN JUS 15 DEC 2015

AWEMainta Diamars, 15 December 2015 21

Bishita oficial di
Minister Plenipotenciario

di St. Maarten

DEN HAAG – Minister Plenipotenciario di St.

Maarten, Henrietta Doran-York a haci un bishita
oficial serca Minister Plenipotenciario di Aruba,
Alfonso Boekhoudt.

Sra. Doran-York recientemente a keda nombra
como representante di St. Maarten na Hulanda.

Sra. Doran-York a sigi un estudio na Miami Dade
College – School of Justice. Despues di su estudio
sra. Doran-York a traha na prison di St. Maarten
como Hoofd Gevangenisopzichter y 2011 a ocupa
e funcion di Director suplente di Gevangeniswezen
St. Maarten.

Entre mei 2012 te juni 2013 sra. Doran-York a ocupa
e posicion di Minister Plenipotenciario suplente di St.
Maarten na Den Haag.
Despues di e encargo aki, sra. Doran-York a traha como
advisor na buro di Minister di Husticia di St. Maarten.
Como recuerdo di e bishita Minister Plenipotenciario
Alfonso Boekhoudt a haci entrega na sra. Doran-York un
ehemplar di e buki “Aruba Ariba”.