Page 26 - IVA FLIP 7 SEPT 2017

polis a mira e sospechoso W. canando direccion pabao. Mirando polis, el a cana bay lihe
lihe di e sitio y a benta e cuchiu grandi abao na altura un adres den Jansteenstraat. El a
core bay direccin pabao, despues direccion zuid. Polis a sigui e sospechoso na pia.

Yegando cerca di e sospechoso, esaki a pone su mes den posision di pelea contra polis.
Door di esaki polis a haci uzo di forsa pa wanta W. W. tabata hopi agresivo y a resisti

fuertemente contra su detencion. Ora cu refuerso a bin cerca, cu ayudo di varios testigo,
nan a logra want’e y pone na boei. Toch e sospechoso a keda resisti, di manera cu polis a
gare his’e y hink’e den e van pa hibe warda W. un biaha mas a haci forsa debi cu e no kier
a drenta. Yegando warda, el a bira mas agresivo y no kier a coopera. El a wordo hisa un

biaha mas y hinca den warda. E sospechoso a wordo hinca den cel. E mester a wordo
atendi pa ocho polis, mirando cu e tabata hopi agresivo. Den nomber di fiscal auxiliar, polis

a tuma contacto cu personal di Slachtofferhulp. A declara cu W. ta un pashent di PAAZ y cu
lo tuma contacto cu SPD. Despues a pidi central pa manda un ambulance pa warda na San
Nicolas. Personal di SPD a tuma contacto cu warda. El a declara cu e e sospechoso no ta
riba di lista di SPD como pashent cu ta registra y cu e tin cu bay hospital pa asina e wordo

tuma den e departamento di PAAZ. Personal di ambulance a bin na warda pero no por a
atende cu W., mirando cu e ta agresivo. Via tralie e personal por a controla W. Segun

paramediconan, nan por a mira cu W. no tabata normal. Polis tabata controle
constantemente. Despues di un ora transport di CEA a bin pa W. pa hib’e hospital. W. na e
momento ey tabata manera slap, door di esey comandante na warda a dicidi pa hiba e

sospechoso Imsan directamente. Na Imsan, el a wordo hiba hospital cu ambulance. Na
hospital el a wordo atendi y wanta pa tratamento medico. Pa mas of menos 2’or y 15 di
atardi, riba opdracht di fiscal auxiliar, e sospechoso a wordo laga den libertad.