Page 40 - AHATA

Fuera di esey a traha bouldernan mas fuerte cu a uza awe. E prome boulder a pone den

test. Y lo sigui traha e otronan cua tambe ta casi cla. No mester a uza e otro bouldernan

awe, door cu ta un barco so, pero lo bay tin dia proximamente cu e barco aki ta bay bin

hunto cu un otro barco riba un diaranson. E ora lo mester haci uzo di e otro boulderdnan.

Tambe a haci bestelling di fendersnan nobo. Tur e fendersnan na kader D y C y unda cu

tabata containerkader, lo bay pone fenders nobo. Tambe ta drechando e walkingpath di e

kadernan. APA ta bay preparando poco poco, segun modo financiero pa drecha full e

infrastructura y despues cu mudamento a keda cla, dos aña pasa, pa haci e parti aki di

Oranjestad pa e turista sinti su mes mas safe y comodo na momento cu e yega y e

barconan tambe.

Cuanto barco por acomoda

Segun Tromp, e cantidad di barco ta depende di grandura. Freedom mes ta 339 meter. Por

pone un otro barco, pero mas chikito dilanti di dje. E ta segun su largura. Si tin dos barco
of tres di e grandura aki, ta e maximo cu lo por, pasobra practicamente no por uza e

bazinnan. Tin cu wak tambe e capacidad cu Aruba por cater. APA por pone tres di e

barconan aki, pero por duna 15 mil turista, e servicio cu nan ta rekeri? Esey ta e otro

pregunta. ATA ta bezig cu un estudio di capacidad. Por pone un infrastructura pa ricibi 3

barco grandi asina, pero no por duna e servicio. No tin suficiente taxi, no tin suficiente

tour, trafico ta stagna. Ora cu e turista bay e beachnan, no tin suficiente facilidad. Tur e

stakeholdernan tin cu reuni y mira kico kier y unda kier yega. Pero si mira bon, APA mes

awor aki pa ora cu bay desaroya Oranjestad, no tin ampliacion di e structura. E structura a

keda igual. Ta bay drech’e. Unda cu e containerkader tabata, por uz’e mas fiho. Pero no

cu tin espacio pa crece grandemente yega sumanan riba 1 miyon of algo asina. Na e