Page 43 - AHATA
P. 43
Den e edicion aki ta ofrece seis diferente actividad pa henter famia, ta invita un y tur pa
bin participa na e diferente tayernan gratis tumando lugar ariba e dia aki. E team di
Experience ta presenta e edicion aki dedica na museo. Lo tin dos pop-up museum
presente. Alabes por bishita Museum of Industry den e monumental Watertoren San
Nicolas. Experience San Nicolas ta sigui cu su mercado “Sani Market”. Un mercado den
e area di promenade cu un dushi ambiente caribeño, rondona pa arte, cuminda y cultura.
Pa esnan cu ta desea mas informacion con pa participa por tuma contact cu nos na
5847090 of experiencesn@gmail.com E mercado ta tuma lugar durante e orario di
Experience San Nicolas cual ta entre 9 or di mainta pa 1 or di merdia.
E biaha aki nos ta ofrece un tour special cu yama “Experience Art Walk”. Bin conoce e
murayanan yena cu arte y e storia nan tras. Inscribi na ora, cupo ta limita y contribucion
ta solamente Afl 15,- pa persona y ta inclui un boter di awa.
Cosecha San Nicolas cu su tienda di artesania certifica traha door di localnan y su centro
creativo tambe tin algun actividad cu bo no por keda sin falta, manera e “ Spinning wheel
clay demonstration” duna pa e maestra di klei Trudy Lampe. Bini y test pabo mes con
esaki ta funciona, Trudy lo tey for di 10 or di mainta pa 1 or di merdia na Cosecha San
Nicolas. Otro actividad sigur cu ta bale la pena, ta e pop-up museum di Museo
Archeologico na Cosecha, tema di nan actividad ta; “Indian Party for kids”. Tin tayer pa
muha y por mira artefactonan presenta riba pantaya. Participacion na ambos actividad ta
completamente gratis.
WEMA San Nicolas ta ofrece un tayer di traha bo mesun cuadra, special pa tur mucha. Di
11 or di mainta pa 1 or di merdia. Pa mas informacion y inscripcion por manda un e-mail
na info@wemaaruba.com Den cura di Nicolaas Store ta tuma lugar e “Outdoor Collection
Artifacts Exhibition” pasa bishita y mira parti di e colleccion di Community Museum y
parti di e colleccion priva di WEMA Home and Hardware Center N.V. Durante e
actividad aki, e team di Aruba Certification Program tambe lo tey presente na Nicolaas
