Page 13 - KPA 31 MAART 2016
P. 13
Andrew Furgil Steven Wernet di 22 aña a bira di dos morto den trafico 2016 den desgracia na
Hooiberg
Wednesday, 30 March 2016 08:21
Comparti
Diaranson marduga alrededor di 12:50am a sosode un accidente fatal riba verlenging di Caya G.F Betico Croes. Un
persona masculino probablemente e persona tras di stuur a fayece riba e caminda di Oranjestad pa Sta. Cruz.
Segun testigo chauffeur di e Toyota Soarer A-9254 lo a perde control di su vehiculo pasando e bocht pariba di
Maiky's bay dal muraya di Hooiberg Plaza, dal un pal'i luz. Finalmente e auto cu stuur na man drechi (RHD) riba
velocidad halto a spin for di control bay plama den un baranca pabou di Hooiberg Supermarket. E impacto tabata
asina fuerte cu tur dos persona den auto a keda benta for di e vehiculo, un a fayece n'e sitio mes. Un otro homber
a resulta gravemente herida y personal di Ambulance a transporte cu urgencia pa Hospital. Dokter Mungra cu
tabata na Warda a ser yama pa constata morto. Polis a cera e area pa investigacion. E victima cu a fayece
ta Andrew Furgil Steven Wernet naci na Aruba dia 8 di Maart 1994 y biba na Urataka. Pas na su restonan.
