Page 15 - KPA 31 MAART 2016
P. 15
Dos auto a accidenta riba Sasaki y un chauffeur a core huy na
pia
Thursday, 31 March 2016 08:31
Comparti
Den careda di 11or di anochi a sosode un accidente riba Sasaki Weg direccion Noord. Na yegada di
patruya a bin topa un Mitsubishi Attrage A-61862 color preto para mey mey di caminda y un tiki mas
banda di pariba tin un pickup Toyota Tundra color blauw A-33317 pega bou di un palo di kwihi.
Polis a bay chek kiko a sosode y aki e manehador di e Mitsubishi a conta polis cu e tabata bayendo noord
y su dilanti tabata tin un Tercel blanco. Na dado momento un Altezza color blanco tabata pasandonan y
despues a purba drenta bek y pa e Mitsubishi no bay dal den e Tercel el a hala na su man robes y dal den
e pickup Tundra. E pickup Tundra a baha caminda na su man drechi y bay pega bou di un mata di kwihi.
Testigonan a conta polis cu ora e pickup a dal el a wak e manehador di e pickup core baha for di e pickup
y core pasa dilanti di dje bay ariba na pia. No tabata tin ningun hende herida. E pickup Toyota Tundra
blauw scur A- 33317 ta registra bou Hyatt Hotel.
