Page 8 - Binder1
P. 8
14 COMUNIDAD AWEMainta Diabierna, 16 December 2022
Aeropuerto di Aruba:
Informa bo mes tocante e
rekisitonan necesario pa biaha!
ecember a yega y esaki ta trece cu ne cu
D hopi hende ta dicidi di biaha, sinembargo
ta importante pa tene algun cos na cuenta na
momento cu bo dicidi di bandona nos isla. Aero-
puerto Internacional Reina Beatrix ta haci tur lo
posibel pa haci e biahe mas placentero posibel,
aunke e realidad ta cu awo den temporada halto,
lo por topa cu dianan basta ocupa.
Un di e puntonan importante pa tene na cuenta
ta vacunacion. Si bo tin plan pa biaha pa Merca,
bo mester ta vacuna. US Customs pre-clearance
ta sosode na Aruba p’asina abo por tin e chens
di skip control di paspoort y Duana Mericano
eynan, sinembargo, esaki ta nifica cu bo lo pasa
a traves di un di dos control na Aruba mes.
Cada biahero pa Merca mester sigura di tin su
ESTA prome cu biaha. Pa haya mas informacion
tocante e reglanan di US CBP y informacion di
ESTA por bishita www.cbp.gov
Tira un bista riba e rekisitonan necesario cu e
pais cu bo ta bay bishita ta rekeri di dje. Tene
cuenta cu e rekisitonan ta varia dependiendo
cua pais bo ta bishita. No ta tur pais ta exigi e
mesun cosnan pa tin regla pa por drenta como
turista.
Aruba ED-Card ta obligatorio pa tur pasahero cu ta yega Aruba, incluy-
endo local! Mester yena e ED-Card y haya aprobacion prome cu bo
biaha pa Aruba. Ta consciente cu un fayo cu bo ED-Card por causa cu
bo ta keda pega y no por regresa Aruba.
Ta importante pa bo sa cu Gobierno di Merca ta rekeri pa tur ciudadano
cu no ta Mericano y ta yega Merca, mester completa e certificacion di
Center for Disease Control and Prevention (CDC) caminda ta confirma
cu nan ta cumpli cu tur rekisito di vacunacion. Informa bo mes cerca e
aerolinea cu bo ta biahando cu ne.
Aruba Airport ta corda tur hende pa yega aeropuerto por lo menos tres
ora prome. Ta desea tur pasahero y henter Aruba feliz dianan di fiesta.
