Page 63 - KPA SEPT 14 2015
P. 63
Polis a captura ladron cu a drenta horta den
Giordano, comercio ta sigui haya sla
13 hora pasa , 13 di september 2015 21:30
Seccion: incidente
Diadomingo anochi a drenta informe di cu tin un caso di kiebro cu ladronicia andando na
Giordano, mesora a dirigi patruya na e sitio. Despues a drenta informe di e descripcion di e
ladronnan cu ta coriendo cu un gran cantidad di paña. Un patruya cu tabata na caminda pa e sitio
a bin topa banda di e ex-edificio di Voogdijraad cu un sospechoso cu ta cuadra cu e descripcion y
cu tabata cu un bulto di paña, mesora polis a detene y den su poder a bin logra haya un cuchiu
tambe y a confisca esaki.
E ladronnan a usa 2 klinker pa asina destrui e vitrina y logra drenta pa horta e pañanan. E
comercio den centro di Oranjestad ta hayando mas golpi, prome cu e ceramento di caminda pa
varios aña pa pone un tram cu no ta yuda e comercio cu nada, despues a bini cu parkeermeters pa
asina yuda enriquece un comerciante previlegia cu tin su propio parkinglot priva y awor e
ladronnan ta kibra nan negoshi y horta cantidad di mercancia.
Shortened link: http://awe24.com/22840
