Page 54 - KPA 12 JUNE 2017
P. 54
26 AWEMainta Dialuna, 12 Juni 2017
Entrante awe lo sera e cruzada na Piedra Plat
DEPARTAMENTO di Obra Publico ta informa pueblo di
Aruba en general y specialmente e automobilistanan cu ta haci
uso di e caminda di Piedra Plat cu entrante awe dia 12 di juni
2017 lo sera e crusada dilanti Bright Bakery na Piedra Plat pa
inicia cu e trabou di construccion di e rotonde nobo.
E caminda lo wordo sera pa 9:30 di mainta dia 12 di juni 2017,
desviacionnan lo keda indica cu baricada y borchinan di aviso y
e trabounan di construccion lo tin un duracion di 40 dia.
Ruta alternativa ta lo siguiente: Trafico for di Piedra Plat direccion
St. Cruz mester bira na man drechi direccion Paradera.
Trafico for di St. Cruz mester bira na man drechi direccion Ca-
sibari y Oranjestad.
Trafico for di Casibari mester bira na man robes direccion St. Cruz.
Ta permiti solamente automobilistanan cu tin cu yega Bright
Bakery pa sigui riba e caminda existente y pa Juliana School por
usa e caminda di santo.
En conexion cu e trabounan menciona Departamento di Obra
Publico ta haci un peticion na tur pidi pa tene cuenta cu e in-
conveniencianan cu lo por surgi pa cual nos ta pidi comprension.
