Page 11 - UTILITIES
P. 11
Antonio Azzariti ta ingeniero y ta project manager y representante di e empresa di
construccion Azure, cu a gana e bid pa e construccion di e mancamp riba tereno di Citgo
y el a duna su reaccion, despues cu polis y Warda nos Costa a hiba mayoria di e
trahadonan cu ta di afo.
Segun Azzariti, e totalidad di e personanan hiba, no tabata di nan. Di nan tabata mas of
menos un 35 persona, di cual 80% tabata ingeniero, kendenan ta supervisando y ta hopi
cla cu e parti cu Citgo, kendenan lo bay supervisa e funcion di e empresanan local cu nan
a contrata pa e construccion di e mancamp. Nan tin mas of menos 5 empresa local y e
mayoria di e personanan, mas of menos 80 pa 85%, tabata den otro funcion.
