Page 29 - DVG

haya e enfermedad a bira motibo pa panico na Merca y na Europa, cu tambe a bira un
fuente pa turismo na Aruba.

Baluartenan di turismo ta directamente bou menasa di e problema serio cu e malesa a

crea pa Aruba na diferente forma.

E coronavirus ta un enfermedad cu ta plama cu rapidez rond mundo y esaki ta ocasiona
miedo cerca hende cu kier evita di wordo contagia cu e malesa.

E hecho cu turistanan ta keda pega riba crucero, caminda e chens pa haya e malesa a
resulta di ta grandi debi na e cantidad incontrolabel di pasahero.

Eventonan mundial ta wordo cancela diariamente pa motibo di miedo pa biaha y keda
na un luga cu publico.

Informantenan di DIARIO ta confirma e menasa serio cu a surgi pa turismo di Aruba, cu

actualmente ta pasa den e temporada cu ta trece mas entrada pa e pais y empresanan.

Esaki ta nifica cu e produccion turistico ta wordo menasa dor di e malesa cu ta bay
afecta cantidad di biahero riba crucero pero tambe cu avionnan,. cu ta den problema

serio debi na e situacion economico mundial.

Informacionnan a mustra cu ayera e coronavirus nobo a bira un menasa directo pa
economia di Aruba, na momento cu e inversionistanan mundial a sigui registra perdida

di nan inversionnan na centronan financiero mundial na Merca pero tambe na otro
paisnan manera Hulanda.

https://www.diario.aw/2020/02/coronavirus-cu-menasa-directo-pa-economia-di-aruba/