Page 31 - DVG

Koolman a splica cu e conferencia di prensa wordo yama entre otro pa contesta cualkier
pregunta cu por tin rond di e virus, mirando cu su departamento constantemente ta
haya preguntanan riba esaki.

“Nos ta haya mihor pa tur hende (prensa) haya e mesun informacion y transmiti esaki
debidamente na e comunidad”.

“Tin hopi trabao ta sosode caba uy nos tin hopi comunicacion cu diferente

departamento, incluyendo Imigracion”.

“Cu Directie Luchtvaart nos tin hopi comunicacion tambe y nan tin un linea di telefon
directo cu nos, pa ora cu nan tin cu tuma contacto cu nos”.

Esaki segun Koolman, kende a sigui bisa cu su departamento tin tambe hopi contacto
tambe cu Directie Scheepvaart y APA, pa loke ta e cruseronan.

E hefe di DBZ a indica cu tin control ta tuma lugar tur caminda incluyendo pa loke ta
cruseronan, apesar cu no ta tur ora esaki ta sali den prensa.

“Ta bon pa mi menciona cu Aruba no ta trata su so, esta nos ta traha den cooperacion

cu Hulanda y e otro 5 islanan di Reino”.

“Diariamente nos tin contacto y nos ta haya e informacion di Europa via RIVM di
Hulanda y basa riba esey nos por conseha y/of adapta manehonan cu nos tin”, segun

Koolman.

El a sigui bisa cu tin plannan caba pa Cuarentena y pa Isolacion.

Cuarentena ta ora cu un personanan bin for di un pais cu tin casonan di Cronavirus y e
wordo poni separa di tur hende pa wak si e por tin e virus.

Isolacion ta ora cu un persona tin e sintomanan caba di e virus.

https://www.diario.aw/2020/02/dbz-y-dvg-ta-keda-den-comunicacion-constante-cu-diferente-
departamento-importante/