Page 20 - MIN SJA 17 DEC 2015

Proyecto Ban Traha ta sigui cana bon mas hende na trabou
menos den bijstand

Publication: Thursday, 17 December 2015. Categoria: General
Minister Paul Croes:

ORANJESTAD (AAN): “E cantidad di bijstandtrekkers
a baha cu un total di 358 persona for di januari 2014 pa awe. Esaki ta representa mas di 3 miyon
menos cu lo wordo paga na Bijstand, pasobra e hendenan aki awor tin un empleo. Hopi contento
di mira e proyecto aki cana asina positivo”, Minister Paul Croes a informa.
Desde introduccion di e proyecto Ban Traha por a tuma nota di un reduccion den e cantidad di
onderstand trekker.
Locual e meta primordial ta pa re-integra personanan cu por traha bek den e Mercado laboral. Na
januari 2014 tabatin un cantidad di 2910 persona cu tabata cobra un Onderstand. Na inicio di
December 2015 e suma aki a bira 2552.
“E proyecto aki ta un win win pa tur partido. E persona den bijstand ta haya un entrada mucho
mas cu e bijstand, e persona ta haya un oportunidad pa desaroya su talentonan laboral y cu
oportunidad pa crece den su trabou y experiencia. Pa e dunador di trabou, bo tin un persona cu ta
apoyabo na trabou y pa Gobierno esaki ta significa un reduccion di gasto di alrededor di 3 miyon
florin”, Minister Croes a expresa.
E Proyecto Ban Traha ta un acuerdo di cooperacion entre Departamento di Asuntonan Social y
Departamento di Labor. Ta un acuerdo unda cu un persona cu por traha ta wordo ofreci un
empleo y asina nos ta motiva nan pa traha y no keda depediente di Gobierno por medio di un
onderstand.
“Nos ta un sociedad di hendenan balente cu kizas a cay den un situacion temporal di
incertidumbre. Un entrada di 1900 florin ta hopi mas cu 475. E ta dunabo mas stabilidad