Page 2 - VOS
P. 2
Federacion di ciclismo lo celebra Himno y Bandera cu e
tradicional “Classico 18 di Maart”
Friday, 17 March 2017 14:29
Comparti
Manera un ya caba un tradicion e federacion di ciclismo, AWB unbes mas lo ta celebrando nos dia nacional Himno y
Bandera cu un evento di bicicleta. E anja aki a duna e evento e nomber di e “Classico 18 di maart”. E actividad lo ta
un careda di ruta cu raod bike como tambe un moutaine bike race.
E evento lo wordo celebra Pariba di Brug esta na Sero Colorado den Colony y lo pasa den e area nan di Savaneta, Pos
Chikito, y Parke Nacional Arikok esaki pa Moutaine Bike. Esnan di ruta lo core den e area nan di Ayo, Bloemond,
Matividiri, Urataka, Maria Maai, Franse Pas, Yara, Sero Alejandro y Brasil Mester bisa cu ambos disciplina lo Sali
pareu ya for di 7:30 di mainta for di Sero Colorado y lo termina algun ora despues na e mesun sitio.
Un danki sigur na Lotto, e Loteria di Aruba pa medio di Comision di Subsidio cu lo yuda den e subsidio pa tur
federacion deportivo cu lo organisa nan eventonan deportivo relaciona cu e celebracion riba nos Dia Nacional Himno
y Bandera.
Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di
Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion
ta pa organisa loteria, cambia bida di su hungadonan y na mes momento inverti den deporte local pa medio di
donacionnan na e Comision di Subsidio.
http://www.24ora.com/index.php?option=com_content&view=article&id=119898:federacion-di-
ciclismo-lo-celebra-himno-y-bandera-cu-e-tradicional-classico-18-di-maart&catid=3:deporte&Itemid=7
