Page 3 - VOS
P. 3
Nagico como un di e sponsors principal ta felicita Aruba
Soccer Academy cu nan prome aniversario y clinica di futbol
pa muchanan
Friday, 17 March 2017 13:51
Comparti
Diadomingo 12 di maart Aruba Soccer Academy (ASA) a organisa un clinica di futbol gratis pa muchanan entre 4 –
15 aña en conexion cu nan prome aniversario.
Un total di 120 mucha a participa den e diferente categorianan di edad. E meta di e clinica tawata pa e muchanan por
mehora nan habilidadnan y sigui desaroya nan talento den futbol. E clinica a wordo duna door di entrenadornan
diploma cu ta entrenadornan di ASA mes.
Nagico Insurances como un di e sponsors principal ta hopi orguyoso di Aruba Soccer Academy su prome aniversario
y ta aplaudi nan pa organisa e clinica aki pa yuda e muchanan sigui desaroya nan mes den e mundo di futbol cu ta
uno sano y ta sinja e muchanan traha den ekipo. Nagico ta contento di wak tanto talento den futbol na Aruba cu ta
cuminsa na edad di 4 aña. Nagico ta desea Aruba Soccer Academy hopi exito y pa nan sigui cu e bon trabou cu nan ta
hasi pa cu e muchanan.
http://www.24ora.com/index.php?option=com_content&view=article&id=119894:nagico-como-un-di-
e-sponsors-principal-ta-felicita-aruba-soccer-academy-cu-nan-prome-aniversario-y-clinica-di-futbol-pa-
muchanan&catid=3:deporte&Itemid=7
