Page 69 - AVP
P. 69
E rabo cu e caso di investigacion di Benny Sevinger a haya ta sumamente serio pasobra
integridad di e pais Aruba y su gobernacion riba tur nivel a wordo destrui.
Ta resulta cu ningun momento Melvin Tromp, sabiendo y cu prueba pa e scandal cu el a
forma na Aruba contra Tjon, a pidi Ministerio Publico pa persigui Tjon.
El a limita su mes na acusacionnan for di su funcion como miembro di Parlamento
despues cu su partido AVP a nombra Tjon den su funcion.
Na e momentonan aki tanto Parlamento como Ministerio Publico tin e deber pa bay
investiga pakico un persona cu ta representante di pueblo no a entrega un keho oficial
cu su pruebanan pa e crimen cu segun el a propaga publicamente, cu lo a tuma luga.
E mester trece dilanti pakico e no a exigi un investigacion Parlamentario, pues un
encuesta den Parlamento, pa determina pakico gobierno Eman a nombra contra ley un
persona cu a comete crimen y a wordo sentencia como criminal door di Hues como
director di prizon di Aruba.
Parlamento no por silencia loke a pasa pasobra ta e hecho cu Melvin Tromp ta miembro
di Parlamento a haci cu comunidad a acepta su acusacion como serio y a pensa cu el a
actua conforme ley a base pa cual tabata tin persecucion penal cu nunca su persona no
a pidi a base di un keho na autoridad.
Si Melvin Tromp por pone prueba riba mesa, ta na Mike Eman y Arthur Dowers pa
splica pakico a tuma Tjon den servicio di KIA tempo di gobierno Mike Eman.
https://www.diario.aw/2019/10/melvin-tromp-a-uza-funcion-parlamento-pa-scandal-tjon/
