Page 18 - KPA DEC 8, 2014

DIALUNA 8 DECEMBER DIARIO PAGINA 27

Homber acusa
di horta
Harley, ta

haya castigo
condicional
di 57 dia y 80
ora di trabao
comunitario

ORANJESTAD(AAN): E
sospechoso A.A.A mester
a presenta dilanti di mesa
berde di huez na corte di
husticia di prome instancia
recientemente, debi na e
hecho cu el a wordo acusa
di di ladronicia di un Harley
Davidson den e periodo di 3
di Maart 2012 te 27 di April
2012.
Huez a repasa e procesverbal
di polis di e caso y a hasi
algun pregunta.
Despues di esaki fiscal a
presenta e acusacion, e
evidencia y su exigencia di
castigo.
Fiscal a exigi un castigo di
60 dia, di cual solamente e 3
dianan cu e acusado a sinta
den detencion preventivo ta
incondicional.
E 57 dia cu resta lo mester
colga riba su cabez como
castigo condicional durante
un tempo di prueba di 2 aña.
Banda di esaki fiscal a exigi
pa A.A hasi 80 ora di trabao
pa comunidad.
Despues cu abogado Roland
Dijkhof a trece dilanti su
defensa, huez a duna su
veredicto mesora.
Huez a bay di acuerdo cu
exigencia di fiscal y a condena
A.A na un castigo di 60 dia, di
cual 57 ta condicional.
E tin cu hasi tambe 80 ora di
trabao comunitario.