Page 21 - MIN JUS - APRI 23,2015

Minister Dowers a ricibi bishita di directora di departamento
di voogdijraad di Sint Maarten

W ednesday, 22 April 2015 19:47
Comparti

Durante e reciente reunion di consulta cu a wordo teni entre e Ministernan di Husticia di Reini – Aruba,
Corsou, Sint Maarten y Hulanda – a palabra cu mester busca un forma pa yega na un miho cooperacion
entre e departamentonan similar di Reino.
Den cuadro di e palabracion ariba menciona, Minister di Husticia di Aruba mr Arthur Dowers a ricibi na
su oficina e Directora di Departamento di Voogdijraad di Sint Maarten, unda cu a combersacion
ampliamente di unda cada departamento por brinda apoyo na otro. “Loke cu a tuma luga na Sint
Maarten ta cu e Minister di Husticia a encarga Cuerpo Policial di e isla pa bini cu un programa di sistema
di informacion pa uzo interno na Sint Maarten.”
Un di e prome partinan cu mester wordo inclui den e sistema di informacion ta esnan di e Departamento
di Voogdijraad. E module aki ta encera registracion di cada caso di menor cu di un of otro forma a wordo
maltrata of neglisha.
Un representante di Cuerpo Policial y e directora di Voogdijraad alabes directora di prizon di hobennan
na Sint Maarten sra. Rodrigues Emanuel a duna un presentacion na Minister di Husticia Arthur Dowers
y algun otro invitado mas. Tur loke cu a wordo treci dilanti a hala atencion di e mandatario local, kende
ta mira e proyecto como algo necesario pa wordo introduci na Aruba tambe cerca Voogdijraad. Pa tal
motibo, Minister Dowers a bisa, el a invita diferente miembro di Voogdijraad Aruba y di otro
departamentonan pa ta presente y mira con e registracion di casonan ta tuma luga. “E registracion ta
escencial, pasobra ta sosode cu esaki ta sosode na dos luga. Y tin biaha e ta wordo registra na un
instancia cu no tin e autoridad legal pa actua y e muchanan ta keda den un sistema cu no tin “follow-up”
riba e caso. Nos ta kere cu mester tin un sitio central y esey mester ta na Voogdijraad. Lo mester bay mira
den practica con ta bay comparti e informacion aki cu otro instancianan cu por haci uzo di esaki pa traha
den forma preventivo y cu e muchanan no ta keda den un situacion malo pa hopi tempo largo.”
E mandatario tambe a bisa cu ta di masha gran importancia cu e informacion cu tin disponibel ta hinca
den un dossier cu ta disponibel cerca cada entidad unda e mucha por acudi pa ayudo. Di e forma aki e
profesionalnan ta na altura di tur su datonan y no tin hopi perdemento di tempo.
Tambe a probecha pa hiba sra. Emanuel di bishita na e Centro Ortopedagogico. Esaki debi na cierto
desaroyonan cu a tuma luga na Sint Maarten. A base di derechonan internacional di mucha, Sint
Maarten a adopta un edificio pa converti esaki den un Jeugd Inrichting, cual antes tabata wordo uza pa
otro metanan. El a splica cu muchanan cu haya nan mes envolvi cu husticia, civil of penal, ta wordo poni
eyden. No necesariamente e centro aki ta un prizon, pero ta duna nan e tratamento necesario. E ta algo
cu Aruba tambe kier traha riba esaki. Awor ta den e fase final di e proyecto, cu ayudo di otro
departamento, ta trahando riba e plan di maneho. E proyecto aki tin e meta pa actua awe pa yuda e
muchanan y percura cu Aruba tin un miho generacion mayan. Te awor e unico solucion pa hobennan ta