Page 38 - MIN JUS - APRI 23,2015

Curpa sin bida haya den lama na Baby Beach

 Apr 23rd, 2015
 Policial, splash

Diahuebs den oranan di marduga Kustwacht a haya tip cu lo tin boto ta drentando via Baby
Beach. Despues di a yega Baby Beach nan a topa cu e boto pero ningun hende. Pero durante
patruya a logra localisa algun persona ilegal den nan hende muher cu a keda deteni. Diahuebs
parti mainta tabatin un persona a bay sambuya den awa na e barancanan unda e coriente fuerte ta
y a topa cu un curpa den fondo di awa y a core sali pa bati alarma. E persona cu a wak esaki a
mira cu ta un curpa chikito y a kere tabata di un mucha. A pone tur autoridad competente na
altura, patruya di San Nicolas a acudi na e sitio di biaha y Polis maritimo a bay bou di awa pa
busca e curpa tur sera. A logra saca e curpa despues di algun intento y trece tera di cual Dr Lin a
acudi na e sitio pa constata morto y ta calcula e persona tin entre 35 pa 45 aña. Fiscal a tuma e
curpa den beslag pa bay hospital pa haci investigacion saca afor ken e persona ta, peor autoridad
tin e sospecho cu e persona aki ta di e grupo di ilegalnan cu a drenta nos isla marduga.