Page 40 - MIN JUS - APRI 23,2015

Caso contra 8 cuidadonan di preso di KIA a
continua awe

Posted on 04/23/2015 11:03 am AST | Updated on 04/23/2015 11:08 am AST

ORANJESTAD – Despues cu 3 siman e caso a keda posponi pa por haci mas investigacion
y interogacion, e caso contra 8 cuidado di preso di KIA pa maltrato di preso, a continua
awe mainta. Ta trata di personanan cu ta wordo acusa di, como ambtenaar den funcion na
KIA, a tortura un preso. E caso riba su mes ta uno unico, mirando cu no ta usual cu un
grupo asina grandi di persona hunto ta wordo acusa pa un ‘delito’ asina.

CARGONAN

E cargonan specifico segun Angela den e caso aki ta cu nan ta wordo culpa di a tortura un
persona y/of a intencionalmente permiti pa un of mas otro tortura e persona aki, dor di a
intencionalmente causa dolor fisico y/of mental grave y/of sufrimento na e persona, cu tabata
deteni y/of den poder di e sospechosonan. Esaki dor cu a (mientras e persona tabata ge boei cu su
mannan tras di lomba) a scop y/of dal e cu mokete y/of a dal e varios biaha na su cabez y/of
curpa, a consecuencia di cual e persona a sufri lesionnan grave (entre otro, cashi di wowo kibra y
kaak kibra) y/of dolor y sufrimento fisico y mental grave, y despues a lage algun ora
parcialmente sunu cera su so sin a percura pa e haya cuido medico, a consecuencia di cual e
persona a haya dolor fisico y mental grave y/of a sufri gravemente, y/of cu a intencionalmente
keda sin actua mientras cu otronan a comete e tortura aki riba describi, cu e fin di haya un
confesion di e persona y/of straf e pa algo cu el a haci of a wordo sospecha di a haci y/of pa
spanta otro hende. Cu excepcion di e persona M.A.C, tur ta hendenan masculino. E inicial di
esnan sospecha pa e caso aki pues ta M.W.l.G. D.N.J.L.,I.H.G.M., C.R.J., G.P.M., A.R.D.,
M.A.C., R.J.d.l.C..

http://noticiacla.com/news/2794