Page 12 - AM221205
P. 12
Deporte AWEMainta Dialuna, 5 December 2022
Diasabra 10 december pa 3or atardi
Francia contra Inglatera
iadomingo a tuma lugar otro 2 partido di e buelta di 16. Parti mainta
D nos tabata tin Francia contra di Polonia y atardi Inglatera contra
di Senegal. 2 nomber grandi den historia di futbol pero tambe mester
comenta un pais mane Senegal, cu apenas nan di 2 clasificacion den un
mundial, tabata tin basta bista riba nan, debi n’e nivel halto di futbol cu
a wordo hunga den e prome rond. Sinembargo e resultadonan tabata
diferente.
Den e prome wega, Francia a demostra un biaha mas dicon nan ta
actual campeon nan di mundo. Cu un score di 3-1, ganando Polonia,
nan a sigura nan lugar den e siguiente buelta. Durante e wega aki basta
record nan a wordo kibra. Mbappe ta bira e hungado cu mas gol (9)
prome cu e haci 24 aña. Tambe e tin mas gol (8) compara cu Cristiano
Ronaldo y ta empata cu Messi. Den mundial di 2018 e la score 4 y aki
ya caba e tin 4 gol anota. E chens ta basta grandi cu e lo bay score mas
debi cu Francia ta keda como e faborito pa bay cas cu e copa atrobe.
Banda di Mbappe, e hungado Giroud ta bira lider di gol anota di Francia
cu un total di 52 gol. E ta pasa e legendario Thierry Henry, kende actu-
almente ta assistent coach di Belgica.
E siguiente wega tabata entre Inglatera y Senegal. Despues di e prome
rond, hopi ta esnan cu a pensa cu Senegal lo yega leu. Pero ta lubida
cu cada buelta cu bo pasa, e contrincante nan ta bira mas duro. Bo ta
cuminsa encontra pais nan cu hopi experiencia den un mundial. Akinan
e ekipo di Inglatera tabata demasiado fuerte pa Senegal y nan ta gana
cu e score di 3-0. Cu un bon dominio nan a demostra esaki. Senegal
sigur a haya algun oportunidad facil pa score pero no a haci esaki
Awo e siguiente wega lo ta entre 2 di e faboritonan, Francia y Inglatera.
Corda cu awo ta un pa tera y un pa lama. Mester tin un ganado. E
pregunta ta, Francia lo gana pa sigui defende nan titulo di 2018 of
Inglatera lo sigura cu lo tin un otro campeon e aña aki?
12
